[8771] - PARÁBOLA CRIOULA...

O FILHO PRÓDIGO

Santo Antão

Un pâ tinha dôs fi. Sê côdê pedi-le pa dâ-le sê parte qu’el podia tên de s’herança, e depôs quél tomâ bençon, el bâ morâ n’un terra onde el gastâ sên juize, e na vice de gente nôve, sê parte que tinha el cubido.

E depôs quel gastâ d’esse manêra tudo quanto el tinha, é qu’el bên oiâ comél tinha fecade pobre, qu’el oiâ obrigado de bâ fallâ q’un home rico pa toma-le pâ sê criado; el dizê-le comâ sin, e el mandâ-le pun fazenda gôrdâ chuco.

El conhêcê sê desgraça, fô quando el entrâ n’esse casta de trabaio.

Anton el cahi n’el mesme e el dizê comâ quên q’ria chorâ: Ah! Quanto creado ‘stâ gorinhassin na casa de nha pâ comê pôn cômarêa, quanto um’ ‘stâ morrê de fome! Já min ne podê saportâ nha desgraça. Un tâ bâ tên nha pâ, um tâ joêiâ na sê pê, e um tâ dezê-le: Ê devêra q’um offendê ôcê chemâ-me sê fi, mâ com’um offendê Nô Senhôr: jâ min ne tâ merecê cê chemâ-me sê fi, mâ um tâ pedi ôcê, pa cê metê-me na sê casa, e sô um tâ dêsejâ p´ês trata-me lâ com’un de sês creado má vil. 

Depôs qu’el pensâ d’esse manera, comâ gente que tinha juize, el pô pê na camin de casa de sê pâ: el ‘stava inda longe quando sê pâ oiâ-le, e conhecê-le, e comâ gente en tâ podê nada larga sês fi, el ‘squecê logo qu’ês asnêra que el tinha fêto, e el bâ tâ corrê de pressa pa braçâ-le, e pa perdoâ-le. Ele verá depôs pa sês creado, e el diz’ês: 

Besôte bâ b’scâ-me quel’rôpa más b’nite de nha fi, besôte ranjâ un dejantâ sem brincadêra p’ra que um q’rê fazê-le un festa, e é pa nôs tudo fecâ contente.

Quel’ armon más veio, que tudo gente sabia com’êra un bom fi, fecâ c’algun raiva quando el voltâ de fóra de ‘stança e que’el ôvi ‘stromento tâ tocâ, e que’el mesmo oiâ aquel’ legria que ‘stava na casa; e en‘tâ tâ podê crêtâ comâ qu’ês gente ‘stava lá contente, sô praquê chegâ un fi que tinha largado casa de sês pâ, e que tinha gastâde tudo quanto el tinha na ‘stravagança e que sél voltâ pa casa, é p’raquê j´’n tinha ôte legar onde bâ cumê.

Mâs logo que sê pâ duv’nha quêzé que tâ tâ passa-le dente de sê coraçon, el ins’na-le que tudo fi êra st’mâdo igual pa un bom pâ, e el dizê-le más:

“ Nha fi, bô armon tinha morrido já’l torna vevê; el’stâva perdido e já n’ôchâ-le; é porvia d’isso que nô tâ contente….”

Crioulo de Cabo Verde

Sociedade de Geografia de Lisboa

1886

(Colabor. A. Mendes)